[b]مرحبا شباب
اليوم جايب الكم قصيدة جديدة للشاعر الرائع طالب التميمي وهي
تتمحور حول زيارة الرئيس بوش الاخيرة الى العراق
وما فعلة الصحفي العراقي الشهم
.................... .................... .......... .................... ....................
غـيري غـيري ياروح بـصـولـة مـنـتـظر لازم نـرد عـلى الي دنـس ترابي
يـابـوش ظـنيت العـراقـي اليـوم يتـلكًـاك فـرحان ويفـتح لـك الابوابي
يـا باب الأفـتحـة يكولي سدني أرجـوك لان حالف قسـم ماأفتـح للكـفر بابي
لـو أجـيـت أعـاتـب ماأعـتب علـى المحـتل أعتـب عـلى راعـي الاحزابي
ماأعـتب علـى المحـتل وهـسة أكلك ليش لان مابيهم شريف وأهـم أصل الخرابي
بـس أعـتـب عـلـعـراقـي الي نـاذر عـمـره هـدر لكـل الـصـحـابي
ومنتـظر ذاك الشهـم رد للعراق المجد ورسم فرحة على وجه كل عـراقي أصلة سيابي
يابـوش أسكـت ولك وماتنـفعك أعذار مو هـذا أنـت التسـمي الشـريف أرهابي
وك تاهت الحسبة علينا وماعـرفنه أنته من يابشر وحتى كلام الصدكً مـنك أحسه جذابي
هانـــت يـاوطـن وكًـرب التـحـريـر وبرمـيـه منـتظـر أنحـدت حرابي
وماأسـاويك يابـوش حـتى وياه الكـلاب السود لان حتى الكلاب توفي مع الاحبابي
ماكـولن جـذب ولاأتهـم بـلـزور لو ردت الـدليـل أحـط جدامـك الاسبابي
مـو أنت القسمت الـعراق وسميت الشيعـي أيـراني والـسـني تكول عليـه وهابي
ومـو أنت التـحـرض على الاسلام ويوم أنـكشف فعلك صار مجرم شيخنا الحلابي
عـلينا اتأمـرت مـن جـنا أطفال ومـن التـسعين فسـتان الفرح ماشافه دولابي
كـتلـك ماأتهـم زور ولـك والله أكـون ظـــالم لـو شـبهـتـك بلغرابي
أطلـع ياطلعـة الكًشره وأمشي ولي بعيـد ولاأريد أشـوفك جاي تطرق عليً بابي