شعر شعبي اخي في الله

[b]أخي في الله
( قصيدة زجلية للشاعر // محمد أبو زيد الاسيوطي )
بسم الله
قبل ما أبدأ أسمي
أستعيذ شيطان رجيم
وأدعي دعوة خير لأمي
توصية رحمن رحيم
بعدها ح احكي وأقول وافتح الجرح الأليم
بس صلوا علي الرسول
لأجل ما روحكم تهيم
في الحبيب
لأجل ما تطيب الجروح
والهموم منا تزول
دا الوصول
للحق غاية في البداية
أوصي نفسي
بالأيمان والهداية
وأوصي أخواني
بتقوى الله ونفسي ربنا يقبل دعاية
يا الهي انت جاهي
بدعي باسمك العظيم
تهدي قلبي وتهدي روحي
للسراط المستقيم
يا كـــــريم
افتح لي بابك واكفي روحي نار عذابك
كل مسلم خاف حسابك ادخله جنه نعيم
يا اله العالمين
توب علينا محتاجين
نرجع كفاية
يا أخي في الله تعالة نبتدي نوصل رسالة
نمشي في سكة هداية
نفهم الإسـلام صحيح
نحيي من تاني العدالة
بالعمل ويا السلوك يعني أفعال مش قوالة
ياللــه بينا نحب بعض مهما كنا في أي ارض
نحيي سـنة وكل فرض
تبقي حرب علي الضلالة
ننصر الإســـلام بحق لاجل شمس الدين تشق
من جديد
علي إيد رجالة
لاجل يرجع تاني خالد كلنا لازم يجاهد
نفسه يعني كل واحد
يبكي علي نفسه وحالة
يبكي يندم ع الخطــيئة قبل ما تقوم القيامة
يا آخي دا مفيش طريقة غير طريق الاستقامة
في الرخي وفي عز ديقة خلـي إيمانك علامة
خلي روحك خالصة صادقة
في الإيمـان بالله وعاشقة
للحلال والله ح تبقي عبد لكن ليك كرامة
تتبع نهج الرسول الحيـاة تبقي نعيم
دالرسول قران كريم
كان رحيم
بالمؤمنين كرمة ربه العظيم
واصطفاه جل جلاله
يا أخي في الله تعالة
نزرع الخير في القلوب نبتدي نحرم حرامه
م الذنوب نبكي نتوب
نرضي في الدنيا بحلاله
نفسنا الحرة الابية اختفت وسط الزحام
نفسنا نبقي خليه
الامام زي الرعية نشتغل من غير كلام
ننشر الاسلام
نعلم دينا مش دين الجهالة
يا اخي في الله تعالة
نبتدي نوصل رسالة
لاجل كل الدنيا تعرف مين حبيب الله محمد
لا جل كل الدنيا تشهد أن خير الخلق احمد
وأن ده نهجه القويم
يعني لازم نستقيم
يعني تبقي حياتنا طاعة
كلها حب وعبادة
واصلحوا قدر استطاعة
اصلحوا في الكون يا سادة
دا الرسول هوه الشفاعة
والشفاعة كل حاجة
اه يا سعده مين يامن قبل ما يفوت الاوان
يا بشر مين فينا ضامن يوم ما يعجز اللسان
يبقي عملك بين ايديك
والرجوع تاني استحالة

شكرا لكم وتحياتي
أخوكم الشاعر // محمد أبو زيد الاسيوطي